Listasmiðja: Hansarósin – Skráning nauðsynleg

BOUQ Listamiðja: Hansarósin

Búðu til fallega hansarós úr kreppappír. Það er í góðu lagi að hafa aldrei búið til pappírsblóm áður!

Á þessum árstíma kalla Íslendingar veðrið „gluggaveður“. Það er fallegt um að litast úti en um leið og þú kemur út nístir kuldinn inn að beini. Já, það er betra að njóta veðursins út um gluggann! Sólríkir dagar marsmánaðar gefa fyrirheit um að vorið sé handan við hornið og að nú styttist í að eldfjallalandið verði aftur grænt.

Catherine Oxley, kanadísk listakona á bakvið BOUQ Paper Flowers, er spennt að halda sína fyrstu listasmiðju á Íslandi, í hinum friðsæla Grasagarði Reykjavíkur. Catherine ætlar að kenna þér að búa til hansarós úr kreppappír á þremur klukkustundum. Fínleg smáatriði blómsins verða endursköpuð allt frá flæðandi krónublöðum að þyrnilögðum stöngli og svo ferðu heim með blómið í lok smiðjunnar.

Hansarósin (‘Rosa rugosa’) var valin sem þema smiðjunnar vegna sérstakrar þýðingar hennar fyrir listamanninn. Í fyrstu heimsókn sinni til Íslands heillaðist Catherine af notkun rósarinnar í borgarumhverfinu. Til að ná öllum smáatriðum var rósin ljósmynduð í bak og fyrir til rannsókna og skrásetningar svo hægt væri að endurskapa hana úr pappír síðar. Loksins mun rósin lifna við á pappír!

Allt efni er innifalið í listasmiðjunni. Með því að nota úrvalspappír frá Carte Fini ætlar Catherine að leiðbeina þér í gegnum ferlið við að búa til raunsæja mynd af þessari glæsilegu rós, blómi sem þú getur notið um ókomin ár.

Boðið verður upp á léttar veitingar í listasmiðjunni.

Eins og áður sagði er allt efni innifalið en þátttakendur eru beðnir um að koma með beitt skæri með sér. Takmarkaður fjöldi skæra verður þó til sölu á staðum.  Engin fyrri reynsla af pappírsblómagerð er nauðsynleg.

Skráning fer fram hér og kostar þátttaka um 12.500 ISK (118 CAD). Hægt er að greiða með ýmsum öppum á síðunni eða smella beint á „Checkout Now“ hnappinn til að greiða með greiðslukorti.

Athugið að listasmiðjan verður á ensku.