Hádegisganga í Grasagarðinum
Nú þegar lífið í Reykjavík er óðum að færast í fyrra horf er tilvalið að kíkja í þrjátíu mínútna föstudagsgöngu hjá okkur í Grasagarðinum. Þessar göngur taka um hálftíma og eru viðfangsefnin mörg og misjöfn og helgast af því sem er í blóma hverju sinni. Göngurnar hefjast við aðalinngang garðsins kl. 12 alla föstudaga í sumar og eru svo endurteknar á ensku kl. 12:40.
